Дзікі

Ціха і цёмна ў пушчы. Пахне грыбамі цвіллю. Ад вялікіх ялін патыхае вільгаццю. У такі гушчар не пранікаюць прамені сонца.

Мы сядзім на мяккім моху. Здалёк пачулася чвяканне. Потым мы ўбачылі дзікоў. Яны пакрыты чорным шчаціннем. Галава ў дзіка доўгая, як у свінні. Доўгі лыч безупынна варушыцца. Дзікі ласуюцца карэннямі раслін, жалудамі, травой, чарвякамі, жукамі.