Пасяліце іх у садзе
(68 слоў)
Любая птушыная сям’я, якая паселіцца ў садзе, прыносіць вялікую карысць. Птушкі саўюць гнёзды, будуць карміць птушанят насякомымі. Асабліва жаданая ў нашых садах сініца. Цэлы дзень без стомы яна абшуквае лісце, ствалы, дзе хаваюцца лічынкі. З любой шчыліны яна выцягне іх дзюбай. Сініца жыве ў нас круглы год. Вось і пастарайцеся ўтрымаць яе ў сваім садзе з самай зімы. Падкарміце сініцу сланечнікам, каноплямі, аўсом. Любіць яна мяса і сала.