Беражыце лес

Лес з’яўляецца сапраўдным багаццем нашай краіны. Дрэвы зберагаюць ад спякотнага сонца рэкі, сажалкі, ручаі. Дрэвы карэннямі стрымліваюць зямлю, ахоўваюць палі ад разбурэння каля глыбокіх яроў.

А колькі ягад і грыбоў у лесе!

У зялёных дубровах добра і адпачыць. Шчодрая наша багатая прырода! Але карыстацца ёю трэба ў меру. Нельга без патрэбы знішчаць дрэвы, ламаць кусты. Трэба быць разумным гаспадаром, клапаціцца аб павелічэнні багаццяў прыроды. Школьнікі могуць прыняць удзел у ахове і развядзенні лесу.