Верасень

Верасень лічыцца па календару першым месяцам восені.

Сады і лясы змяняюць паступова сваю летнюю зялёную вопратку на асенняе ўбранне. Лісце на дрэвах набывае розныя колеры і адценні. Сярод зялёных лапак ялін і сосен зіхаціць залатое лісце бяроз, ліп, клёнаў.

У высокім небе не чуваць ужо над полем звонкага спеву жаваранка. Па каменні каля ракі не скачуць жвавыя пліскі.

Вада ў рэках і азёрах халодная і празрыстая.

Мянтуз пакідае сваё летняе сховішча пад берагам і пачынае жыраваць у халоднай вадзе.