Восень шыла сарафан
(93 словы)
Паводле М. Даніленкі
Задумала Восень сабе абнову пашыць. І перш за ўсё выбрала залацістыя і чырванаватыя колеры: яны ёй больш да твару. Ціха хадзіла палямі, пералескамі і падбірала сабе на сарафан то трохі чырвані, то залацінак, што свяціліся ў лістоце дрэў. Асіны і грушы аж чырванелі ў праменнях ціхага сонца. Клёны і бярозы залаціліся сваімі кронамі на ўзлессі. Вырашыла Восень і пацеркі падабраць. Убачыла яна рабіну. Гронкі яе наліліся чырванню, цяжка звісалі долу. Чым не пацеркі?
А потым Восень яшчэ збірала дробненькія сінюткія кветачкі верасу, сціплых бяссмертнікаў. А ў кужэльную касу сваю ўпляла трапяткія белыя павуцінкі.