Юныя разведчыкі
(131 слова)
У партызанскі атрад Бумажкова прыйшлі два хлопчыкі, Віця і Жэня.
Аднойчы Бумажкоў загадаў хлопцам прайсці ў вёску, дзе былі немцы. Трэба было разведаць аб узбраенні ворага.
Жэня і Віця прыйшлі ў вёску. У руках іх былі пугі і пустыя торбачкі. Яны нібыта прыгналі з поля кароў і яшчэ не паспелі зайсці ў свае хаты.
У вёсцы было шмат немцаў, матацыклаў і машын.
Хлопцы пачалі прыкідвацца, што ім вельмі цікава паглядзець на машыну. Яны падышлі да машыны і пасварыліся за яблык. Гэта было вельмі падобна на сапраўдную сварку. Немцы не вельмі да хлопцаў прыглядаліся.
А Жэня і Віця пералічылі ўсе машыны, матацыклы і гарматы.
Вечарам яны вярнуліся назад да Бумажкова і расказалі яму аб усім.
Хутка партызанскі атрад накіраваўся ў вёску. Разгром нямецкай часці быў поўны. Жэня і Віця былі ўзнагароджаны медалямі.